Jude Bellingham emëron futbollistin më të mirë në botë – ka shënuar vetëm 21 gola në të gjitha garat

17:44 | 14 Maj 2024
E.H

Jude Bellingham e bëri të qartë se kush beson se është futbollisti më i mirë në botë në festimet e titullit të La Ligës.

Në paradën e trofeut me autobus të hapur, ai e quajti shokun e skuadrës së Real Madridit, Vinicius Junior, si “më të mirin në botë”.

Ai duket se preferon Vinin në këtë drejtim sesa Kylian Mbappen, me të cilin është gati të luajë në Real Madrid sezonin e ardhshëm.

Vini ka luajtur një rol të madh për të ndihmuar Real Madridin të fitojë titullin e La Ligës këtë sezon dhe gjithashtu të arrijë në finalen e Ligës së Kampionëve.

Anësori brazilian ka shënuar 21 gola dhe ka dhënë 11 asistime në të gjitha garat. Nga ana tjetër, Bellingham ka 22 gola dhe 10 asistime./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm